Phungthlukbia Relnak
PHUNGTHLUKBIA (1-31)
A Tialtu:
Solomon nih phungtlukbia 3,000 le hla fung 1, 005 a phuah tiah 1 Siangpahrang 4:32 ah kan hmuh bangin Phungthlukbia cauk hi a dihlak dengmang in Siangpahrang Solomon tialmi a si. Dal 30 nak a tialtu Agur le dal 31 nak a tialtu Lemuel hna hi an konglam hngalh khawhnak Baibal ah kan hmu lo.
A Tialnak Hmun le Caan:
Dal 30 nak le dal 31 nak dah ti lo a dang vialte cu Solomon tialmi an si bangin Kanan ram Khualipi Jerusalem ah Siangpahrang Solomon nih BC 950-700 hrawngah a rak tialmi a si.
A Tialchan:
Minung nih a chuahpi mi fimnak le pawngkam thil le cawnnak in hmuhmi fimthiamnak vialte zong a hrampi taktak cu Pathian nih minung ah a rak chiahmi kha an si. Asinain minung nunnak ah Pathian tihzahnak kha a bau ahcun a fimthiamnak vialte kha ningcang loin, uanthlarnak, porhlawtnak, tluangkhawnnak, midang zomhtaihnak, nomhhnaihnak, midang caah fahnak, temtuarnak petu ah a cang tawn. Cucaah hi Phungthlukbia chungah fimthiamnak le ningcang tein khuasak lairelnak vialte a hrampi bik cu dal 1:7 ah, "PATHIAN tihzah hi hngalhnak hramthoknak a si," tiah a timi hi hi cauk chung bia vialte a hramthok in a dongh tiang tlang a komhtu le a tialchan a si.
Visit Us Here:
Download Our App:
Youtube: